Вялізная чарга сабралася ў пункце пропуску «Брэст» на беларуска-польскай мяжы. Пра гэта сведчаць звесткі маніторынгу Дзяржпамежкамітэта.
Станам на 8.00 8 траўня выезду з Беларусі ў Польшчу чакалі 350 легкавых аўтамабіляў і 65 аўтобусаў.
«На Варшаўцы (пункт пропуску „Брэст“. — Заўв. рэд.) нечуваная колькасць аўтобусаў. Людзі стаяць больш за суткі», — піша «Віртуальны Брэст».
Чарга на мяжы ў пункце пропуску «Брэст — Тэрэспаль» 7 траўня. Відэа з аднаго з памежных чатаў.
На літоўскім кірунку агулам прастойвае 240 аўто. З іх 160 — у «Каменным Логу» і 80 — у «Беняконях».
У «Грыгароўшчыне» (Латвія) — 10 легкавікоў.
Акрамя таго, выезду з Беларусі чакаюць 2035 фур: 570 — у «Каменным Логу», 500 — у «Беняконях», 465 — у «Грыгароўшчыне» і 500 — у «Казловічах».